Namakwa Toere bied ’n skouspelagtige 9-dag toer na Botswana aan. Ons besoek hierdie ongerepte land en wys toergangers die wonderskone natuur, wye verskeidenheid wilde diere en verskeie toeriste-attraksies.
Ons toer in 2019 is van die 10de November, tot die 18de November. Die toer vertrek vanuit Pretoria.
Van Pretoria tot Kasane
Toergangers word geneem van Orapa na Maun waar die groep ’n paar dae vertoef, daarna na Nata en Kasane vir nog ’n paar dae, dan na Palapye en weer terug na Pretoria. Ons ry in ’n luukse 22-sitplek 4×4 bus.
Een van die 7 wonders van die wêreld
Ons gaan as ’n groep in ’n air-caravan op ’n skilderagtige vlug oor die Okavango Delta, een van die 7 wonders van die wêreld. Die Okavango Delta vloei uit Angola, maar die water bereik nooit die see nie. Dit loop in Botswana en vorm een groot vleiland waarin verskeie dier- en voëlspesies floreer.
Bly reg langs die rivier
Die absolute hoogtepunt-bestemming van ons toer is die besoek aan Kasane. Hier gaan ons oornag vir drie opeenvolgende nagte en in verskillende rigtings verken. Ons gaan tuis by die Chobe Safari Lodge reg langs die Chobe Rivier en langs die Chobe Nasionale Park.
Grootste waterval in Afrika
Op Dag 6 vertrek vroegoggend na die Victoria Watervalle. Ons kruis die grens by Kazungula wanneer ons gaan en terugkom. Verskeie aktiwiteite is beskikbaar vir toergangers om aan deel te neem indien u nie saam met die res van die groep op ‘n staptog van Victoria Watervalle wil gaan nie.