Toer nommer:

Toer datum:

Om 08:00 vanaf Capetonian Hotel in Kaapstad, om 08:45 vanaf Road Lodge Airport en om 09:30 vanaf Kaapstad Internasionale Lughawe (vir vlugte wat voor 09:00 ge-arriveer het).
Ons vertrek na die pragtige Riebeek-vallei waar ons die eerste staproete van die toer sal aanpak. Hierdie vallei rondom die brandwag - Kasteelberg is die geboorteplek van 2 van ons land se grootste politieke figure, Jan Smuts en DF Malan. Ons reis daarna verder deur die Swartland en Olifantsrivier-vallei tot by Vanrhynsdorp waar ons vir 3 nagte in Namaqualand Country Lodge sal tuisgaan.

Na ontbyt vertrek ons na Gifberg wat deel uitmaak van die Matzikamaberge - die noordelikste uitloopsels van die Sederberge. Hierdie berg met sy unieke Tafelberg-sandsteen rotsformasies, plant en dierelewe laat die toeris verstom. Ons sal twee staproetes (2km en 9km) op Gifberg stap. Hier sal ons talle interessante rotsformasies sien soos `n waterval wat `n weg deur `n groot horisontale rots geruim het en rotsformasies wat soos `n krokkedil, 'n dinosaurus en `n skilpad lyk! Gifberg se flaura bestaan hoofsaaklik uit fynbos en die gifboom word slegs hier aangetref, vandaar ook die naam. Hierdie plant is ook deur San mense gebruik in jag ekspedisies en talle rotskuns wat ons sal sien getuig van hierdie gebeurtenisse.

Vandag gaan ons `n roete lans die Weskus stap met sy pragtige seetonele. Ons ry eers deur Vredendal wat die hoofdorp van ons streek is met die grootste wynkelder op een perseel in die Suidelik Halfrond. Ons sal nog baie wingerdlande sien hier al langs die Olifantsrivier tot by Lutzville. Ons staproete begin by die skilderagtige Weskus-dorpie Doringbaai. Ons stap al langs die see, deur die pragtige vakansiedorp Strandfontein tot by die vissersdorpie Papendorp aan die mond van die Olifantsrivier. Hierdie is `n pragitge roete van lang uitgestrekte wit strande tot `n rotsagtige kuslyn! Hier is ook baie mooi uitkykpunte oor die see.

Vandag is ons laaste dag en ons sal nog tyd langs die Weskus spandeer en ry die grootste gedeelte van die dag met die see in sig aan ons regterkant. Die Weskus het net `n bekoring van sy eie met interessante dorpies soos Elandsbaai waar skuite met huiskrane in die see laat sak word. Dwarskersbos is vakansies een van die gewildste kampeerdorpies lans die Weskus en die drielingdorpies Laaiplek, Port Owen en Velddrif aan die mond van die Bergrivier vorm die bokkom-hoofstad van Suid-Afrika. Ander dorpe lans ons roete is Vredenburg, Langebaan en Yzerfontein. Na `n lekker dag op die Weskus word `n sielsverrykende toer afgesluit in Kaapstad. Ons sal die eerste toerlede tussen 17h00 en 18h00 by Kaapstad Internasionale lughawe aflaai en die laaste stop sal tussen 18h30 en 19h00 by Capetonian Hotel in Kaapstad wees. LW: Tye mag verskil afhangende van weersomstandighede en verkeer.

Toer nommer:

Toer datum:

STP 2/1

11 - 14 Mei

Om 08:00 vanaf Capetonian Hotel in Kaapstad, om 08:45 vanaf Road Lodge Airport en om 09:30 vanaf Kaapstad Internasionale Lughawe (vir vlugte wat voor 09:00 ge-arriveer het).
Ons vertrek na die pragtige Riebeek-vallei waar ons die eerste staproete van die toer sal aanpak. Hierdie vallei rondom die brandwag - Kasteelberg is die geboorteplek van 2 van ons land se grootste politieke figure, Jan Smuts en DF Malan. Ons reis daarna verder deur die Swartland en Olifantsrivier-vallei tot by Vanrhynsdorp waar ons vir 3 nagte in Namaqualand Country Lodge sal tuisgaan.

Na ontbyt vertrek ons na Gifberg wat deel uitmaak van die Matzikamaberge - die noordelikste uitloopsels van die Sederberge. Hierdie berg met sy unieke Tafelberg-sandsteen rotsformasies, plant en dierelewe laat die toeris verstom. Ons sal twee staproetes (2km en 9km) op Gifberg stap. Hier sal ons talle interessante rotsformasies sien soos `n waterval wat `n weg deur `n groot horisontale rots geruim het en rotsformasies wat soos `n krokkedil, 'n dinosaurus en `n skilpad lyk! Gifberg se flaura bestaan hoofsaaklik uit fynbos en die gifboom word slegs hier aangetref, vandaar ook die naam. Hierdie plant is ook deur San mense gebruik in jag ekspedisies en talle rotskuns wat ons sal sien getuig van hierdie gebeurtenisse.

Vandag stap ons `n onvergeetlike roete in die Sederberge, die Wofberg skeure en boog - een van die moet-stap roetes in die Sederberge. Die skeure is so 30 meter diep in die maag van die Wolfberg en word bereik met `n steil stap na bo. Daar is groot hoeveelhede dierelewe bo-op Wolfberg en uitsigte oor die Cederberge wat `n mens verstom laat. Na `n lang gemaklike stap bo-op die berg bereik ons die Wolfberg boog - een van die bekendste figure van die Sederberge. Hierdie hele roete beloof om die stapper te beloon met pragtage wild en natuurskoon, die rotsformasies op hierdie roete is uit 'n ander wêreld. Die 17km roete word vir die ervare stapper aanbeveel. Hierdie roete sal tussen 7 en 9 uur neem om te voltooi afhangende van die groep.

Vandag is ons laaste dag en ons sal nog tyd langs die Weskus spandeer en ry die grootste gedeelte van die dag met die see in sig aan ons regterkant. Die Weskus het net `n bekoring van sy eie met interessante dorpies soos Elandsbaai waar skuite met huiskrane in die see laat sak word. Dwarskersbos is vakansies een van die gewildste kampeerdorpies lans die Weskus en die drielingdorpies Laaiplek, Port Owen en Velddrif aan die mond van die Bergrivier vorm die bokkom-hoofstad van Suid-Afrika. Ander dorpe lans ons roete is Vredenburg, Langebaan en Yzerfontein. Na `n lekker dag op die Weskus word `n sielsverrykende toer afgesluit in Kaapstad. Ons sal die eerste toerlede tussen 17h00 en 18h00 by Kaapstad Internasionale lughawe aflaai en die laaste stop sal tussen 18h30 en 19h00 by Capetonian Hotel in Kaapstad wees. LW: Tye mag verskil afhangende van weersomstandighede en verkeer.

Toer nommer:

Toer datum:

STP3/1

17 - 20 September

Om 08:00 vanaf Capetonian Hotel in Kaapstad, om 08:45 vanaf Road Lodge Airport en om 09:30 vanaf Kaapstad Internasionale Lughawe (vir vlugte wat voor 09:00 ge-arriveer het).Ons vertrek na Vanrhynsdorp en laai ons bagasie by Namaqualand Country Lodge, die hotel waar ons vir drie nagte gaan tuisgaan af en geniet ook middagete. Na middagete vertrek ons na die Knersvlakte waar ons `n staproete van ongeveer 4km gaan stap. Hierdie area is ryk aan dwergvetplantjies waarvan die meeste endemies is. Bababoudjies, dobbelsteentjies, kanniedoodaalwyn, bobbejaanvingers, krapogies en vinger-en-duimpies is maar `n paar van die talle dwergvetplantjies wat ons hier sal aantref. Aandete sal by die hotel bedien word.

Na ontbyt vertrek ons na Gifberg wat deel uitmaak van die Matzikamaberge - die noordelikste uitloopsels van die Sederberge. Hierdie berg met sy unieke Tafelberg-sandsteen rotsformasies, plant en dierelewe laat die toeris verstom. Ons sal twee staproetes (2km en 9km) op Gifberg stap en ook middagete daar geniet. Gifberg se flaura bestaan hoofsaaklik uit fynbos en die gifboom word slegs hier aangetref, vandaar ook die naam. Hierdie plant is ook deur San mense gebruik in jag ekspedisies en talle rotskuns wat ons sal sien getuig van hierdie gebeurtenisse. Aandete word weer by die hotel bedien.

Na ontbyt vertrek ons na Nieuwoudtville, die bolplant-hoofstad van die wêreld. Hierdie area is baie ryk aan plant en dierelewe. Die omgewing spog met `n hele aantal staproetes. Omdat hierdie toer in die middel van die blommeseisoen val en ons die omgewing baie goed ken, hou ons die opsie oop om nader aan die tyd te besluit watter spesiefieke staproete/s ons gaan kies om te stap om seker te maak dat ons die beste blomme sal sien. Ons sal middagete gedurende die dag geniet. Hierdie area is bekend vir sy plate blomme en spog dikwels met die mooiste blomvertonings. Aandete sal by die hotel bedien word.

Na ontbyt vertrek ons al langs die Olifantsrivier na Clanwilliam waar ons die Ramskop Tuine sal besoek, `n 7,5 ha natuurreservaat reg langs die Clanwilliamdam wat talle inheemse plante huisves. Ons sal ook besoek aflê aan C. Louis Leipoldt se graf in die Pakhuisberge. Hier sal ons ook middagete geniet en talle interessante rotsformasies sien soos `n rots wat lyk asof `n beeldhouer dit uitgekap het om soos `n soldaat se kop te lyk. Ons volg die N7 vanaf Clanwilliam verder tot in Kaapstad waar ons `n sielsverrykende staptoer sal afsluit.

Wie is Namakwa Toere?

•           Ons is `n familie besigheid wat uit ouers en kinders bestaan

•           Ons is in die toerbedryf sedert 1985, en in die hotelbesigheid vanaf 1987. Ons het in 1993 verhuis vanaf Pretoria en het ons kom vestig in Namakwaland.

Wat doen Namakwa Toere anders?

•           Ons is nou Namakwalanders en ken ons streek.

•           Ons is `n familiebesigheid en is self die toergidse. Ons toergidse het `n passie vir hul werk en ons verseker u van die beste, vriendelikste, hulpvaardigste en bekwame toergidse!

•           Uit ondervinding weet ons dat daar toerlede is met verskillende behoeftes en daarom doen ons moeite om elke bespreking persoonlik te hanteer.

•           Ons is geregistreerde toergidse. Indien u ooit in Suid-Afrika op `n toer gaan, vra vir jou toergids om sy toergids ID-kaart te toon. Op die agterkant sal dit aantoon of die gids wel geregistreer is vir die gebied waarin u toer. Ons kry elke jaar toer-operateurs wat toere na Namakwaland en ons streek onderneem en hulle maak nie gebruik van gidse wat geregistreer is vir ons streek nie. Daar is selfs gevalle waar gidse geheel en al glad nie geregistreer is nie. Dit is onwettig. Wees op die uitkyk daarvoor! Rapporteer gerus sulke gevalle aan by die Toergids Registrasie Kantoor, Kaapstad tel. 021 483 2960.

Waar bly Namakwa Toere wanneer hulle toer?

•           Namakwa Toere het `n voordeel bo ander toeroperateurs wat na Namakwaland toer omdat ons hotel in Vanrhynsdorp (Namaqualand Country Lodge) so sentraal geleë is. Dit stel ons in staat om elke aand wat ons in Namakwaland is daar tuis te gaan en vandaar elke dag uitgaan in die verskillende rigtings. Dit is baie gemakliker vir toerlede aangesien hulle nie nodig het om so baie in en uit te pak nie en ons kan self ook verseker dat toerlede die beste diens en weglê-etes geniet.

Wat sluit Namakwa Toere se toer prys alles in?

•           Verblyf : Alle verblyf kostes is ingesluit by toerpryse.

•           Etes : Alle etes wat op toerprogramme aangedui word is ingesluit by toerprys

•           Vervoer : Vanaf Kaapstad na Namakwaland en elke dag na die betrokke staproetes en terug na Kaapstad

•           Geregistreerde Toergids : Ons is self die toergidse op die bus en ken ons streek baie goed.

•           Toegangsfooie :  Alle toegangsfooie is ingeluit by toerprys

Hoe kan Namakwa Toere help met vervoer reëlings?

•           Indien u per trein van Johannesburg of Durban na Kaapstad wil reis, kan ons vir u help met hierdie reëlings. Vir hierdie diens vra ons R100.00 per persoon.

•           Treinkostes beloop ongeveer die volgende :

Premier Classe: - Tariewe per persoon en per een rigting. Alle etes (3 goeie etes) en beddegoed word ingeluit by hierdie tariewe. Johannesburg – Kaapstad ongeveer R2 210.00

•           Indien u vanaf Gauteng is, kan u gerus daaraan dink om met die vliegtuig of trein af te reis en dan weer met die vliegtuig of trein terug te reis. Met ander woorde u reis met die trein af na Kaapstad, doen die toer en na die toer vertrek u terug na Gauteng per vliegtuig, of andersom.

•           Indien u met u motor van elders in Suid-Afrika na Kaapstad wil reis, kan u die motor by die hotel in Kaapstad of by die hotel by die lughawe parkeer. Dit moet net met ons gereël word.

•           Indien u dieselfde aand wat die toer eindig, wil terug vertrek na u tuiste, moet u vlugte bespreek vanaf Kaapstad na 19h00. Ons bus sal u by die lughawe aflaai sodat u in tyd sal wees vir u vlugte terug na u tuiste.

•           Indien u die oggend wat die toer vanaf Kaapstad vertrek wil invlieg, moet dit voorafmet ons gereël word.

Is daar akkommodasie beskikbaar indien ek voor die tyd moet arriveer in Kaapstad?

•           Toerlede wat vroeër of langer in Kaapstad wil vertoef, kan geakkommodeer word. Ons het spesiale tariewe beding by twee verskillende hotelle in Kaapstad waar ons toer vertrek en eindig. Hierdie tarief is slegs geldig indien ons die bespreking vir u doen.

•           Kontak ons vir die tariewe vir die volgende akkommodasie opsies :

1. Capetonian Hotel in Kaapstad

2. Hotel by lughawe – Road Lodge Airport

Ons beveel aan dat u van hierdie aanbod gebruik maak en die vorige dag alreeds in Kaapstad arriveer en tuisgaan by een van hierdie hotelle indien u nie familie of vriende in Kaapstad het nie. Hierdie spesiale aanbod van die hotel is ook beskikbaar indien u langer as een dag wil oorbly en Kaapstad verken voor die toer begin of nadat die toer geëindig het.

Is daar vervoer beskikbaar indien ek per vliegtuig/trein in Kaapstad arriveer, na die hotel?

•           Indien u in Kaapstad arriveer voor die aanvang van u toer, of nadat die toer geëindig het, en vervoer benodig om by u hotel te kom, kan ons u ook hiermee behulpsaam wees.

•           Kontak ons vir die tariewe wat die onderskeie vervoer-operateurs vra vir vervoer soos volg :

1. Vervoer tussen lughawe of stasie na Capetonian Hotel in Kaapstad.

2. Vervoer tussen lughawe of stasie na Road Lodge Airport.

Wat gebeur as Namakwa Toere die toer kanselleer?

•           Namakwa Toere onderneem om sover dit moontlik is geen toer te kanselleer nie. Ons het nog nooit nodig gehad om ‘n blommetoer te kanselleer nie. Indien dit ooit sou gebeur dat ons ‘n toer moet kanselleer, sal ons u gelde wat u alreeds betaal het, binne 24 uur terugbetaal met 10% rente per jaar.

•           Die rede waarom ons hierdie voorwaarde onder u aandag wil bring, is aangesien ons jaarliks ondervind dat toeriste by ander toer operateurs bespreek, gelde betaal en dan word die toer later gekanselleer. Die toeriste moet sukkel om hulle gelde terug te kry en ons het al gevalle gehad waar mense al hulle gelde by hierdie toer operateurs verloor het.

•           In baie gevalle het die toeriste alreeds vlieg reëlings getref, (hierdie gelde word nie deur die lugrederye terugbetaal na kansellasie nie). Ons het al in die verlede van hierdie toeriste tegemoet gekom en hulle op ons toere geneem, maar daar was kostes van verandering van vlieg reëlings wat hierdie toeriste aan die lugrederye moes oorbetaal.

•           Daar is nuwe “toer-operateurs” wat nou ook toere aanbied na ons streek en elders en voorwaar, dit lyk na ‘n winskoop vir die toeris. Die werklikheid is as ‘n toer goedkoop is, sal daar redes voor wees. Die moontlikheid bestaan dat die toer-operateur nie weet wat hy doen nie en die toerlid staan ‘n kans om sy geld te verloor.

•           Deur goedkoop akkommodasie te gebruik, goedkoop etes te voorsien, goedkoop “luukse” busse te gebruik, is gelykstaande aan ‘n goedkoop toer wat risiko’s inhou.

•           Dit is jammer, maar vanjaar noem ons hierdie punte, want daar is geen reëls in die toerbedryf nie. Ons sien jaarliks hoe toerlede ingedoen word en selfs al hulle geld verloor omdat toer-operateurs ondergaan en toere kanselleer waar toerlede sukkel om hulle gelde terug te kry. Daar is selfs op die oomblik toer-operateurs wat al bankrot gespeel het waar toerlede al hulle geld verloor het, en dan begin die persoon net weer ‘n nuwe toerbesigheid onder ‘n nuwe naam en hulle gee ons bedryf ‘n baie slegte naam.

Hoe bespreek ek ‘n toer by Namakwa Toere?

•           Wanneer u besluit het om op een van ons toere te bespreek, vul die besprekings vorm in. Faks of epos die vorm dan na ons kantoor. Die nodige sal dan deur ons gedoen word (hotel- en vlieg besprekings indien u dit so aangedui het). U sal ‘n toerverwysings-nommer en Namakwa Toere se bank-besonderhede ontvang. Hierdie toerverwysings-nommer moet op u deposito strokie aangetoon word. Hierdie toerverwysingsnommer moet ook op alle korrespondensie gebruik word vir die toer wat u bespreek het.

•           Ons verskaf nie bank besonderhede sonder ‘n besprekingsvorm nie. Die enigste rede hiervoor is dat toerlede in die verlede gelde inbetaal sonder dat hulle ‘n toer verwysings- nommer ontvang het, en dat hulle nie ‘n bespreking per faks of epos gedoen het nie. Dit het al gebeur dat voornemende toerlede gelde inbetaal het, maar dat daardie spesifieke toer alreeds vol bespreek was.

Baie Belangrik!

•           Hierdie toer is slegs vir ervare stappers aangesien ons soveel as 18km per dag kan stap.

•           'n Vrywarings vorm sal deur u onderteken moet word voordat die staptoer begin.

•           Maak seker dat u gemaklike stapskoene of -stewels saambring om mee te stap.

•           Gemaklike stapklere sowel as `n gemaklike warm baadjie verkieslik een met `n kappie.

•           `n Rugsak wat gemaklik dra, aangesien ons elke dag kospakkies gaan kry om saam te neem op die staproetes.

•           `n Digitale kamera met genoeg geheue. Bring ook u kamera se kabel saam om foto's af te laai op CD indien u geheue sou volraak.

Wanneer is die toer gelde betaalbaar?

•           Deposito van R2 000.00 per toerlid is betaalbaar nadat u ‘n toerverwysings-nommer ontvang het met u bespreking.

•           Balans is betaalbaar 30 dae voor u toer se vertrekdatum.

Is Namakwa Toere die enigste toer-operateur wat toere na Namakwaland onderneem?

•           Nee, ons wil nie hiermee te kenne gee dat u slegs met Namakwa Toere hierdie interessante streek moet besoek nie. Daar is ongelukkig net ‘n paar ander toeroperateurs wat ook al jare gevestig en betroubaar is.

•           Ons is wel die leiers op die gebied van Namakwalandse blommetoere en ons Weskus-Sederberge toere.

•           Doen navraag by ander toer-operateurs, vra hulle uit. Besoek die webtuiste van die spesifieke toer-operateur. Vra vir verwysings na ander toerlede en vergewis uself van hoe lank doen hulle al besigheid in ons streek.

•           Vergelyk gerus ons toer-program en toer prys met ander toer-operateurs.

•           Indien u enige twyfel het oor Namakwa Toere, kontak ons gerus. Ons het al ‘n paar duisend mense na Namakwaland gebring en al talle Weskus-Sederberge toere onderneem. Ons kan vir u verwysings gee van toerlede wat al saam met ons getoer het of besoek ons webtuiste, daar is ook inligting in hierdie verband.

Wat maak Namakwa Toere so suksesvol?

•           Afgesien van die familie besigheid, die beste reisprogram en die luuksste busvervoer, die hotel akkommodasie en die weglê-etes, is ons positief omtrent ons streek en oor toerisme.

•           Dit is baie maklik om ‘n bus vol toerlede te kry, maar om van hierdie toerlede te kry om weer saam met jou te toer, dit is waar die geheim lê. Namakwa Toere kry dit jaar na jaar reg om vorige toerlede te kry om weer en weer saam te toer aangesien ons elke jaar ons reisprogram aanpas.

•           Laastens, en beslis die heel belangrikste : Elkeen wat werksaam is by Namakwa Toere, en Namaqualand Country Lodge, en dit sluit alle personeel in, erken dat ons Christene is en dat ons erken ons Hemelse Vader as die Skepper van hierdie wonderwerk in Namakwaland.

Ons begin elke oggend voor ons ry met ‘n gebed, en vertrou die Here vir ‘n veilige en sielsverrykende toer.

Vriendelike  Berge groete

Namakwa Toere Span

Innes(Snr), Jenny, Mike & Innes(Jnr) Spies